مازال عندي الثقة للمرة الألف وقت إلي نشوف أبناء القطاع العمومي مهندسين وين وصلو بإطلاق قمر صناعي و غزو الفضاء لكن إيماني بأنو النظام التعليمي فاشل لأنو يلزمو إصلاح

عدم قدرة التعليم العمومي على تلبية حاجات سوق الشغل وعجزه عن مواكبة التطورات تخلي ثقة التونسي فيه مهتزة

مؤسسات التعليم العمومي هشة في البنية التحتي في الشتاء تقطر بالماء بنايات على وشك الإنهيار صغيري نخاف عليه و على تكوينه في القطاع العمومي لكن في القطاع الخاص رغم الكلفة فإني نبني إنسان و بالي مرتاح

إلي طلعو صواريخ هوما نتيجة التعليم العمومي إلي من لا شيئ عملو برشا حاجات و القطاع الخاص هو السبب في تدمير القطاع العمومي إلي خلا التلميذ بيعة و شرية

التعليم العمومي صنع أجيال من لاشيئ فجاء التعليم الخاص دمرو و خلق طبقية الإجتماعية بين فئات الشعب إلي ماعادش ينجم يقري صغارو بالظروف المعيشية الحالية

من الثورة برشا ناس بطالة و ما فماش خدمة خاطر يقرو في التعليم العمومي الي تغيب عليه التكنلوجيا لازم يتم الرقمنة

ماعنديش الثقة و نحب التعليم الخاص خاطر يتلهاو بينا عكس التعليم العمومي ففي الساحات ما يخليوكش تبقى مطيش في الشارع وتنجم تولي مجرم و تنقم على القراية

مازال عندي الثقة في التعليم العمومي لأنه يجمع الشعب و لا يقسمه مثل التعليم الخاص الذي يؤسسه لفجوة بين الفقراء و الأغنياء

التعليم العمومي هو الأساس الي وصلنا بيه ومازالو صغارنا يوصلو بيه هو الي خرج كفاءات هذاكا علاش انا مازال عندي الثقة فيه

التعليم العمومي لم يعد مواكبا للعصر و أصبح ذو أقدمية يأتي البديل و هو التعليم الخاص الي يخدم على الرقمنة و الفرص للناس